Ration Card New: नियमांचे पालन करा, अन्यथा रेशन कार्ड रद्द होईल जर तुमच्याकडे रेशन कार्ड असेल, तर ही माहिती तुम्हाला नक्कीच उपयुक्त ठरेल. एक जानेवारी 2025 पासून रेशन कार्ड धारकांसाठी दोन नवीन नियम लागू होत आहेत. या नियमांचे पालन न केल्यास तुमचं रेशन कार्ड रद्द होऊ शकतं, आणि त्यावर मिळणाऱ्या सुविधांचा लाभ घेण्यास तुम्हाला मज्जाव होईल. सरकारने या नियमांचे काटेकोर पालन करण्याचे आदेश दिले आहेत.
पहिला नियम: मयत व्यक्तीचे नाव रेशन कार्डवरून कमी करा : रेशन कार्डावर नाव असलेली एखादी व्यक्ती मयत झाली असेल, तर तिचं नाव रेशन कार्डवरून कमी करणं बंधनकारक आहे. कुटुंबातील मयत झालेल्या व्यक्तीचं नाव जर तुम्ही वेळेवर काढलं नाही, तर रेशन कार्ड रद्द होऊ शकतं.
या प्रक्रियेसाठी, मयत झालेल्या व्यक्तीचा आधार कार्ड आणि इतर आवश्यक कागदपत्रे घेऊन तुमच्या गावातील रेशन दुकानदाराकडे जा. तिथे त्या व्यक्तीचं नाव काढून टाकण्याची प्रक्रिया पूर्ण करा. जर कुटुंबात कोणी मयत झाले नसेल, तर यासाठी तुम्हाला कोणतीही कृती करण्याची गरज नाही.
नोटीस आली! लाडकी बहीण योजनेच्या अटी शर्तीत काहीच बदल नाही ladki bahin yojana new update
दुसरा नियम: प्रत्येक व्यक्तीची ई-केवायसी अनिवार्य: रेशन कार्डावरील प्रत्येक लाभार्थ्याची आधार कार्डशी ई-केवायसी करणे अनिवार्य आहे. रेशन दुकानदाराकडे जाऊन अंगठा स्कॅन करून ई-केवायसी प्रक्रिया पूर्ण करावी लागेल.
ई-केवायसीसाठी बाहेर कोणत्याही ठिकाणी जाण्याची गरज नाही. तुम्ही ज्या गावात सध्या राहत आहात, तिथल्या रेशन दुकानदाराकडे ही प्रक्रिया पूर्ण करू शकता. ओटीपी किंवा अन्य कोणत्याही पद्धतीने ई-केवायसी शक्य नाही.
31 डिसेंबर 2024 ही ई-केवायसी पूर्ण करण्याची शेवटची तारीख आहे. या तारखेपर्यंत ई-केवायसी न केल्यास तुमचं नाव रेशन कार्डवरून काढून टाकलं जाईल. त्यानंतर त्या व्यक्तींना धान्य व इतर अनुदानाचा लाभ मिळणार नाही.
बाहेरगावी स्थलांतर केलेल्यांसाठी विशेष सूचना ज्या कुटुंबातील सदस्य स्थलांतरित झालेले आहेत किंवा कामानिमित्त बाहेरगावी आहेत, त्यांनीही ई-केवायसी पूर्ण करणं गरजेचं आहे. सध्या ज्या गावात राहत आहात, तिथल्या रेशन दुकानदाराकडे जाऊन ही प्रक्रिया पूर्ण करा. अंगठा स्कॅन करून आधार कार्ड लिंक करणे आवश्यक आहे.
नियम पाळा आणि लाभ मिळवा रेशन कार्ड धारकांनी या दोन महत्त्वाच्या नियमांचे पालन करणे आवश्यक आहे. रेशन कार्डवर मयत व्यक्तींचे नाव काढणे आणि सर्व व्यक्तींची ई-केवायसी करणे ही कामं लवकरात लवकर पूर्ण करा.
31 डिसेंबर 2024 नंतर सरकार कोणत्याही प्रकारची सूट देणार नाही. ज्या व्यक्तींनी ई-केवायसी पूर्ण केली नाही, त्यांचं नाव रेशन कार्डवरून काढलं जाईल. यामुळे त्या व्यक्तींना मोफत धान्य आणि इतर आर्थिक सहाय्य मिळणार नाही.
75 आणि 65 वर्षांवरील नागरिकांसाठी मोठी बातमी या नागरिकांना मिळणार मोफत एसटी प्रवास Msrtc News
महत्त्वाचे संदेश
रेशन कार्ड धारकांसाठी हे दोन नियम अत्यंत महत्त्वाचे आहेत. जर तुम्ही अजूनही या प्रक्रियेत सहभागी झाले नसाल, तर तात्काळ रेशन दुकानदाराशी संपर्क साधा आणि नियमांची पूर्तता करा. अधिकृत आदेश अन्न व ग्राहक संरक्षण विभागाने जाहीर केले आहेत, ज्यामुळे या प्रक्रियेला गती मिळाली आहे.
या महत्त्वाच्या माहितीची जास्तीत जास्त लोकांपर्यंत पोहोचवण्यासाठी ही माहिती शेअर करा. वेळेवर प्रक्रिया पूर्ण करा आणि शासनाच्या योजनेचा लाभ मिळवा.