लाडकी बहीण योजनेबाबत सध्या राज्यातील लाखो महिलांच्या मनात सुरू असलेल्या संभ्रमावर स्पष्ट माहिती पाहणार आहोत. नोव्हेंबर महिन्याचा 1500 रुपयांचा हप्ता अनेक महिलांना अजून का मिळालेला नाही, त्यामागचे नेमके कारण काय आहे, यामुळे कोणाला अपात्र ठरवले आहे का, डिसेंबर आणि जानेवारी महिन्याचा हप्ता कधी मिळणार, हे पैसे एकत्र मिळणार का, निधी मंजुरीबाबत शासनाने काय भूमिका घेतली आहे, तसेच पुढील काळात महिलांनी काय काळजी घ्यावी, हे सर्व मुद्दे येथे सविस्तरपणे समजून घेणार आहोत.
सोशल मीडियावर एकच प्रश्न का विचारला जात आहे?
सध्या फेसबुक, इंस्टाग्राम, व्हॉट्सअॅप अशा सर्व सोशल मीडिया प्लॅटफॉर्मवर लाडक्या बहिणींचा एकच प्रश्न दिसून येत आहे. तो म्हणजे नोव्हेंबर महिन्याचा 1500 रुपयांचा हप्ता अजूनही अनेक महिलांच्या खात्यात जमा झालेला नाही. अंदाजे 30 ते 40 टक्के लाडक्या बहिणींना हा हप्ता मिळालेला नाही. त्यामुळे महिलांमध्ये अस्वस्थता वाढली आहे. काही जणी रोज बँक खाते तपासत आहेत, तर काही जणी इतर महिलांकडे चौकशी करत आहेत.
MahaDBT Yojana अर्ज अनुदानाच्या लाभासाठी शेवटची संधी, 9 जानेवारी 2026 ही अंतिम मुदत
महिलांच्या मनात निर्माण झालेल्या शंका
नोव्हेंबरचा हप्ता न मिळाल्यामुळे महिलांच्या मनात अनेक शंका निर्माण झाल्या आहेत. काही महिलांना असे वाटत आहे की आपण अर्ज करताना काहीतरी चूक केली असेल का. काहींना वाटते की आपले कागदपत्र चुकीचे असतील का. तर काही महिलांना भीती वाटत आहे की आपल्याला या योजनेतून अपात्र तर ठरवले नाही ना. ही भीती साहजिक आहे, कारण हा पैसा अनेक कुटुंबांसाठी खूप महत्त्वाचा आहे.
नोव्हेंबरचा हप्ता न मिळण्यामागील खरे कारण
येथे सर्वात महत्त्वाची बाब म्हणजे, नोव्हेंबर महिन्याचा हप्ता न मिळण्याचे कारण महिलांची चूक नाही. शासनाकडून स्पष्ट करण्यात आले आहे की त्या कालावधीत निधीची कमतरता भासली. म्हणजेच निधीचा शॉर्टेज झाला. उपलब्ध निधी कमी असल्यामुळे सर्व महिलांना एकाच वेळी हप्ता देता आला नाही. त्यामुळेच सुमारे 50 ते 60 टक्के महिलांना हप्ता मिळाला, पण उर्वरित 30 ते 40 टक्के महिलांना तो मिळू शकला नाही.
अनेक महिलांना वाटत आहे की आपल्याला अपात्र ठरवले गेले आहे. मात्र, सध्या तरी अशी कोणतीही अधिकृत माहिती नाही. बहुतांश प्रकरणांमध्ये निधीची कमतरता हेच मुख्य कारण आहे. त्यामुळे नोव्हेंबरचा हप्ता न मिळालेल्या महिलांनी घाबरून जाण्याची गरज नाही. आपली पात्रता कायम आहे, फक्त पैसे उशिरा मिळणार आहेत.
ई-केवायसी करूनही हप्ता मिळाला नाही, ही आहेत काही मुख्य कारणे, सविस्तर अपडेट
डिसेंबर आणि जानेवारीचा हप्ता एकत्र मिळणार?
आता एक दिलासादायक आणि आनंदाची बातमी समोर येत आहे. ज्या लाडक्या बहिणींना नोव्हेंबर महिन्याचा हप्ता मिळालेला नाही, त्यांना नोव्हेंबर, डिसेंबर आणि जानेवारी या तीन महिन्यांचे पैसे एकत्र मिळण्याची शक्यता आहे. म्हणजेच अशा महिलांच्या खात्यात एकूण 4500 रुपये जमा होऊ शकतात.
तर ज्या महिलांना नोव्हेंबरचा हप्ता आधीच मिळालेला आहे, त्यांना डिसेंबर आणि जानेवारी या दोन महिन्यांचा हप्ता एकत्र मिळेल. म्हणजेच त्यांना 3000 रुपये मिळतील.
निधी मंजुरीबाबत शासनाचा निर्णय
राज्याच्या वित्त विभागाने लाडकी बहीण योजनेसाठी निधी मंजूर केला आहे. यासंदर्भात शासन निर्णयही जारी करण्यात आलेला आहे. म्हणजेच या योजनेसाठी पैसे उपलब्ध करून देण्याचा निर्णय शासनाने घेतलेला आहे. त्यामुळे हप्ता मिळणार नाही अशी भीती ठेवण्याचे कारण नाही.
जानेवारी 2026 पासून गॅस महाग होणार का? व्हायरल बातम्यांमागील सत्य आणि सरकारचे स्पष्ट स्पष्टीकरण
संक्रांतीला पैसे मिळणार का?
सध्या माध्यमांमध्ये आणि सोशल मीडियावर असा अंदाज वर्तवला जात आहे की हा एकत्रित हप्ता संक्रांतीच्या आसपास महिलांच्या खात्यात जमा होऊ शकतो. मात्र, ही अधिकृत तारीख नाही. शासनाकडून अजून कोणतीही ठराविक तारीख जाहीर करण्यात आलेली नाही. निधी वाटप करताना काही अडचणी आल्यास तारीख पुढे-मागे होऊ शकते.
महिलांनी सध्या काय करावे?
सध्या महिलांनी शांत राहणे गरजेचे आहे. नोव्हेंबर महिन्याचा हप्ता मिळाला नसेल तरी टेन्शन घेऊ नये. आपले बँक खाते, आधार लिंक, मोबाईल नंबर योग्य आहेत का, हे एकदा तपासून घ्यावे. कोणत्याही अफवांवर विश्वास ठेवू नये. अधिकृत माहिती येताच ती सर्वांना कळवली जाणार आहे.
लाडकी बहीण योजनेअंतर्गत नोव्हेंबरचा हप्ता न मिळालेल्या महिलांसाठी ही मोठी दिलासादायक माहिती आहे. निधी मंजूर झाला आहे आणि हप्ता नक्की मिळणार आहे. डिसेंबर आणि जानेवारीचा हप्ता एकत्र मिळण्याची शक्यता असल्यामुळे महिलांना मोठा फायदा होणार आहे. फक्त तारीख थोडी उशिरा जाहीर होऊ शकते. ही माहिती जास्तीत जास्त लाडक्या बहिणींना शेअर करा, जेणेकरून त्यांच्या मनातील गैरसमज आणि शंका दूर होतील.
मधमाशी पालन योजना महाराष्ट्र यांना मिळणार 50% अनुदान, असा करा नवीन अर्ज madhmashi palan yojana 2026